På norsk

Mo šaddá ođđa sámi oahpaheaddjioahppu?

Sámi allaskuvla huksema vuolde 2008:s. Dál galgá ođđa oahpaheaddjioahppu huksejuvvot.

Skábmamánu 2009 evttohii sámi rámmaplánalávdegoddi ođđa sámi oahpaheaddjioahpu plána.
Muhto Máhttodepartemeanta lea rievdadan evttohusa dehálaš čuoggáin ovdal go dat sáddejuvvui gulaskuddamii. Deháleamos áššit man birra lávdegoddi ja departemeanta eai leat ovtta oaivvilis leat:
- Galgá go sámi oahpaheaddjioahppu guoskat sihkke davvi- julev- ja lullisámegillii, dahje dušše fal davvisámegillii ja Sámi allaskuvlii?
- Galgá go plána cealkit ahte sámegiella lea oahpahusgiellan?
- Galgá go dárogiella leat geatnegahtton fága 1.-7. ceahki suorggis?
- Galgá go sámegiella leat geatnegahtton fága 1.-7. ceahki suorggis?
- Galgá go leat geatnagahtton hárjehallan maiddái Norgga olggobealde?

Dán siiddus sáhtát lohkat eambbo ođđa sámi oahpaheaddjioahpu barggu birra.

Oahpaheaddjioahppoođastus

Máhttodepartemeanta lea nammadan guokte lávdegotti, mat galget evttohit rámmaplánaid ođđa oahpaheaddjioahpu várás, nubbi našunála oahpu ja nubbi fas sámi oahpu várás. Rámmaplánat šaddet ee. cealkit mat fágaid galget leat geatnegahtton ja mo fágat galget juhkkojuvvot 4 jagi oahpahusas.

Sáhtát lohkat našunála oahpaheaddjioahpu birra dás.

Dán siiddus gávnnat dieđuid barggu birra ráhkadit ođđa sámi oahpaheaddjiohppui rámmaplána, njuolgadusaid ja indikahtoriid.

Rámmaplánaevttohus lea sáddejuvvon Máhttodepartementii 02.11.2009. Máhttodepartemeanta lea rievdadan evttohusa ja sádden dan gulaskuddamii 14.12.2009. Áigemearri lei 08.02.2010 ja leat boahtán máŋga gulaskuddancealkkámuša.

Duogášdiehtu

Oasseválddit

Bargoplána ja referáhtat

Sámi rámmaplánalávdegotti evttohusat

Máhttodepartemeantta gulaskuddanevttohus

Gulaskuddancealkámušat

Loahpalaš láhkáásahus

Dát siidu lea Sámi rámmaplánalávdegoddi čállingoddi doaimmahan.

Sámi allaskuvla