Referáhtta čoahkkimis - Sámi rámmaplánalávdegoddi 16.09.2009

Čoahkkin lei Guovdageainnus, Diehtosiiddas gaskavahkku 16.9.09 dii. 10-15
Čoahkkimis ledje:Vuokko Hirvonen, Grete Bergstrøm, Jan Idar Solbakken, Reidar Erke, Sonja Guttorm, Terje Veimo, Åse Gunleiksrud, Karin Helle
Telefovnnas: Asta Balto
Čálli: Svein Lund
Dulka: Ravdna Turi Henriksen
Ii lean čoahkkimis: Marit Helene Pedersen

1) Vuođđudeapmi, jođiheaddji válljen ja vej. nubbinjođiheaddji rámmaplánalávdegoddái

Jan Idar Solbakken álggahii čoahkkima. Oasseváldiid presentašuvdna.
Leat geahččalan gávdnat olbmuid mielde julevsámi guovllus, ii lean vejolaš gávdnat ovttage.
Jođiheaddji: Vuokko Hirvonen, nubbinjođiheaddji: Jan Idar Solbakken.
Vuokko Hirvonen jođihii čoahkkima.

2) Rámmaplánabarggu stáhtus

Dekána Jan Idar Solbakken čilgii.
Vuosttaš áigemearri buktit evttohusa lea 02.11. Livččii sávaldat mottiin vahkuin guhkidit áigemeari. Dárbu čielggadit man muddui našunála láhkaásahus čatná min barggu ja movt mii galgat ovttasbargat našunála rámmaplánajoavkkuin.
Fágajoavkkut: Muhtin erenoamáš fágat, muđui lea ovddasvástádus gozihit ahte sámi sisdoallu lea dain eará fágain.
Departemeanta čujuhi áigemearrái: Bargu galgá leat gárvvis, dasgo sii geat váldojit ohppui čakčat 2010, galget čuovvut ođđa rámmaplána. Barggus galgá leat 3 mánu gulaskuddanáigodat ja das maŋŋil veahá áigi gárvvistit ášši. Dát lea gitta das ráhkaduvvo go sierra láhkaásahus vai leago dát oassin našunála láhkaásahusas. Joavku galgá formála oktavuođa váldit departemeanttain jus hálida guhkiduvvon áigemeari.
Áiddobáliid lea leamaš našunála lávdegottis čoahkkin oahpaheaddjeoahpu struktuvrra birra. Fágajoavkkuid jođiheaddjit bukte doppe ovdan oainnuideaset. Čađat gaskka čuovvu bealit: Pedagogihkkafága galgá leat badjel 3 jagi. Hárjehallan berre leat buot njeallje jagi vai nanne profešuvdnaguvllot heiveheami oahpahusas. Movt heivehit mobilitehta, lonuhit oahpahusásahusaid gaskka. Iešguđetlágan lohkanbajit – ja jahkemodeallat. 2 sierra oahppogeainnu ( 1-7 ja 5-10). Vejolaš lonuheapmi 2. ja 3. jagi maŋŋil. Sierra bargojoavku mii bargá oahppanjovssus-osiin. Našunála joavkku boahtte čoahkkin lea 02.10. davviriikalaš dimenšuvdna nannoseappot sámi oassái go našunála oahpaheaddjeohppui. Dehálaš čilget gokko sámi oahpaheaddjeoahpus leat sierra váttisvuođat.

3) Mandáhtta

Ovdal lei dárkilis plána ja láhkaásahus loahpas. Dál lea nuppegežiid; álggos galgá mearriduvvot oanehis láhkaásahus, das maŋŋil gárvet plána. Láhkaásahus galgá ovdanbuktit vuoigatvuođaid ja geatnegasvuođaid. Geatnegahtton fágat, guhkkodat jna. Čuovvut Hálddašanlága láhkaásahusgieđahallama njuolggadusaid. Láhkaásahusa ii sáhte rievdadit almmá ođđa formála gieđahallama oktan gulaskuddamiin. Institušuvnnat mearridit ieža fágaplánaid. Muhto leat biddjon johtui 14 fágii fágaplánajoavkkut, oktan pedagogihkkafágii ja hárjehallamii. Sii galget hutkat oktasaš našunála njuolggadusaid. Dáid ii galgga departemeanta dohkkehit, muhto galget leat institušuvnnaide láidesteaddji mearrádussan. Lea ain eahpesihkar galgá go rámmaplánajoavkku mearridit fágaid juogu oahppojagiide. Indikáhtorat: Leat reaidun bearráigeahččat movt ođđa oahpaheaddjeoahppu doaibmá.
Jerrojuvvui galget go indikáhtorat leat spesifihkat juohke fágii vai galget go leat oktasaččat, muhto dan ii sáhttán oktage vástidit.

Mearrádus:
Bargojoavku álga láhkaásahusain bargat ja ráhkada sierra dokumeantta sámi oahpaheaddjeoahpu várás. Dasa lassin mii hálidit bidjat sierra ulbmilparagráfa našunála láhkaásahussii mii galgá sihkkarastit ahte dat gullá oahpaheaddjeoahpuide oahpahusa addit sámi kultuvrra ja servodaga birra. Asta B lea gulahallanolmmoš dán guovtti bargojoavkku gaskka.

Nammaduvvon 2 bargojoavkku: Goappaš joavkkut berrejit bargat ulbmilparagráfain.
A. Jan Idar (joavkojođiheaddji), Sonja, Grete, čuoggát 1 ja 2
B. Vuokko (joavkojođiheaddji), Asta, Reidar, Terje čuoggát 1 ja 3
Joavkojođiheaddji ovdanbuktá evttohusa boahtte čoahkkimii.

4) Čoahkkinplána

Našunála joavkku čoahkkimat: 2.10., 23.10., 20.11., 10.12., 14-15.01.
Sámi joavkku čoahkkinplána (gaskaboddosaš) : 5.10., 22.-23.10., 24.11., 09.-10.12., 13.01.

Svein Lund
čálli

Sámegillii: Rávdná Turi Henriksen

Sámi rámmaplánalávdegoddi - váldosiidu
Samisk rammeplanutvalg - hovedside
Sámi allaskuvla / Samisk høgskole