På norsk På svenska Suomaa По-русски

Sámi skuvlahistorjá
Svein Lund
Pb. 90
N-9521 Guovdageaidnu
http://skuvla.info

Vejolaš mielbargiide Norggas, Ruoŧas, Suomas ja Ruoššas

Sеаrvva sámi skuvlahistorjáčállimii!

2002 rájes lea Norgga bealde leamaš bargu jođus čállit sámi skuvlahistorjjá. Mii leat almmuhan guhtta girjji, main leat muitalusat, artihkkalat ja dokumeanttat mat muitalit ohppiid ja oahpaheddjiid vásihusaid, ja makkár skuvla sámi ohppiid várás lea leamaš ja mo dat lea rievdan.

Girjjiide lassin leat almmuhan guoktelogenáre aviisaartihkkala ja fierpmádatbáikki, mas girjjiid sisdoalu lassin lea ee. girjjálašvuođalistu ja oahppogirjelistu. Oktiibuot galget almmuhuvvot guhtta girjji Norgga beale sámi skuvlahistorjjá birra.

Dál mii leat álggahan barggu maiddái eará riikkaid sámi skuvlahistorjjáin. Álggos háliiditt ráhkadit sullásaš girjjiid Ruoŧas, Suomas ja Ruoššas. Daid vuođul mii háliidit maŋŋil čállit ollislaš sámi skuvlahistorjjá, mii veardida diliid dán njealje riikkas.

Dákkár bargu gáibida ollu áiggi ja ollu olbmuid geat servet iešguđege dásis.

2010:s leat álggahuvvon doaimmahusat maiddái Suomas ja Ruoŧas. Mii dárbbašit olbmuid geat sáhttet dahkat ovtta dahje moadde čuovvovaš doaimmain:
A. Čállit muitalusa iežat skuvlavásáhusaid birra, leš dal oahppin, oahpaheaddjin, internáhtabargin, váhnemin dahje eará doaimmas.
B. Jearahallat earáid sin skuvlavásáhusaid birra. Geahca jearahallanbagadusa.
C. Veahkehit gávdnat boares báhpáriid ja govaid maid sáhttit geavahit skuvlahistorjjás.
D. Jorgalit artihkkaliid sámegiela ja riikkagiela gaskkas.

Sáhtát váldit oktavuođa doaimmahusaiguin:
Ruoŧŧa: Marit Anne Allas, mare-nan@hotmail.com, tel +46-705721305
Suopma: Pigga Keskitalo, pigga.keskitalo@gmail.com, tel +358-404197175
Norga ja dál álggos maiddái Ruošša: Svein Lund, sveilund@online.no, tel +47-90727698

Dearvvuođat

Svein Lund
Sámi skuvlahistorjjá váldodoaimmaheaddji


Sámi skuvlahistorjjá váldosiidu