På norsk
Lasseartihkal Sámi skuvlahistorjá 3-girjái. Davvi Girji 2009.
 Girji mii geavahuvvui sámegiel álgooahpus |
Dát artihkal prentejuvvui sámegillii ja dárogillii Ságat-aviissas 02.04.1968. Mii bájuhit artihkkala juste nu go leat prentejuvvon. Čállo dás ahte bealli váhnemiin Stuorravuonas Unjárggas válljejedje Sámegiel álgooahppu. Muhto eará gáldut muitalit ahte ii oktage háliidan, earát fas ahte suohkan ii háliidan dan fálaldaga. Sámi skuvlahistorjá 6:s muitala Hans Eriksen: Geahččaleimmet maiddái márkanastit álgooahpu Unjárggas. Oahpaheaddjit ledje mielas, muhto politihkkariid gaskkas lei stuora vuosteháhku. Erenoamážit sátnejođiheaddji Per Balk lei sámegieloahpu vuostá, vaikko ieš lei sápmelaš. Nuppi bealde lei Bargiidbellodaga báikkálaš jođiheaddji, Thorbjørn Schulstad, mielas. Ja son lei dáža. Muhto boađus lei ahte ii šaddan sámegiel álgooahppu Unjárggas dalle. |
Porsango giel'da:
Skoganvarre skuvla – 3/4 læt vál'ljen "Sámigiel álgo-oap'po".
Nesseby giel'da:
Karlebotn skuvla – bæli vánhemiin læt vál læt vál'ljen "Sámigiel álgo-oap'po".
Táná giel'da:
Buolbmát skuvla – baddjel bæli læt vál'ljen "Sámigiel álgo-oap'po".
Sirmá skuvla – 100% læt vál'ljen "Sámigiel álgo-oap'po".
Guov'dagæino giel'da:
Guov'dagæino giel'da oaž'žo "Sámigiel álgo-oap'po" buot skuvlakretsain, åk'tiibuot njæl'lje klássa.
Kárášjåga giel'da:
Sturabuid bælládat Kárášjåga skuvlastivras læt mærridan atte "Sámigiel álgo-oap'po" gal'gá álgahuvvut dušše åvta skuvlakretsas, dušše åvta klássakretsas, dušše åkta klassa galgá læt. Uccitbæli oassi skuvlastivras doalahii atte dat gal'gá ád'dut vejulašvuotta álgahit ænet klassaid – dađemielde gå vánhemat gáibidit.
Dat læ juo dál boattán dieđosin atte vánhemat buot skuvlakretsain Kárášjåga gieldas sávvet "Sámigiel álgo-oap'po".