Lasseartihkal Sami skuvlahistorjá 3-girjái. Davvi Girji 2009.
Sami Usteb-aviissas nr.2-1902 prentejuvvui čálus man namma lei "Brævva Rieppovuonast". Čálli ii lean almmuhan eambbo namas go „A“. Čállosis son muitala guollebivdu, málbmaohcama („šærpefebar“) ja buozalmasvuođa birra ovdal go manná skuvlaáššiide. Mii bájuhit dás oasi mas čállá skuvladiliid birra. Anders Larsen, gean birra dás muitaluvvo ahte lei áiddo álgán Riehpovutnii oahpaheaddjin, šattai bargat doppe ja eará skuvllain Fálesnuori suohkanis 1918 rádjái. Moadde jagi dan maŋŋá mii dás čállojuvvo, son álggahii ja doaimmahii Sagai Muittalægje-aviissa. Su birra sáhttá lohkat eambbo Sámi skuvlahistorjjá 1., 3. ja 4. girjjiin. |
Skuvllabarggo læ manemuš jagid gillam tapa, dainago mi læp šaddam skuvlla-olbmaid lonotaddat. Dak gukkes duoddar- ja vanas-matkek ja dak mangga giela læk balddam skuvllaolbmaid dabe erit. Dal mi læp manemusta ožžom Anders Larsen Skærvast, gutte læmas Ræšvuonast Altast maŋemusta skuvllimen. Su mi dovddap oudučest. Son matta Samegiela ja heivve burist deiki. I son daide ballat dallan dam gieldast erit, gutte ouddal 1æ gæččalam dam vaddesvuođaid. Sudnji læ dal min doaivvo, atte son oapain ja čuvggitusain rotte mín nuoraid oudas guvllui, vai si jovsaše dam, maid si maŋemus aigid læk maŋedattam.
Skuvlla-aši mon gaddam læt boattevaš beivi stuoramus ašše. Moft dat ašše doaimatuvvu, dađe mielde šadda maidai boattevaš sogai dilalašvuotta. Skuvlla læ bagjelasas valddam dam mađotes bargo atte oapatet, čuvggit ja bajasgæsset dam bajasšadde soga šaddat jiermalaš ja avkalaš valddegoddelatton, mak ječaidæsek gævatek buoremus lage mielde avkken ja buristsivdnadussan sikke rika valddegoddai ja ješ aldsesæsek, nuft atte si šaddadek šaddoid, mak sigjidi bottek avkken sikke dam ja boatte ællemest. Dam hirmos bargo i nagad skuvlla okto. Dat fertte oažžot væke ja doarjalæme sidain, jos i æra, de buore addijume. Go vanhemak addijek dam, atte skuvlla viggata burid sin manaidi, de si dorjuk ja væketek skuvla bargo, ja dalle æska dat algga šaddoid guoddet. Dal læ dat ilolaš dapatuvvam ain vuonačiegast, atte olbmuk læk æmbo ja æmbo alggam addit ja doarjot skuvla bargo. Dam mon iloin dieđetam ja savam, atte det addijubme viddanifči ja šaddaši davalažžan, nuft atte sida ja skuvlla bæsašeiga ovtast vækkalagai barggat dasa atte bajedet dam boattevaš soga lagabuida su, gutte læ buok duotta buri alggo — lagabuida Ibmela.
...
Buore ođđa jage savam buok lokkidi, ja ollo vaimolaš dærvvuodak Rieppovuonast!
A.