På norsk

Artihkkal girjjis Sámi skuvlahistorjá 2. Davvi Girji 2007.

Kárášjoga skuvlastivra:

Sámi giella ja kultuvra joatkkaskuvllas

Sámás: Sara Ellen J. Eira

Kárášjoga skuvlahoavdan ja Sis-Finnmárkku skuvlaráđi jođiheaddjin barggai Lydolf Lind Meløy oažžut sámegiela fágan sihke álbmotskuvllas ja joatkkaskuvllas. Muhto deaivvai garra vuostehágu, erenoamážit iežas gielddas. Dát mearrádus Kárášjoga skuvlastivrras čájeha makkár lei dábálaš jurddašeapmi Kárášjoga gielddas dalle. Mii leat sihkkon osiid teavsttas, ja dan leat merken nie: "...". Deaddileapmi lea doaimmahusa bokte.

Sierračálus čoahkkingirjjis Kárášjoga skuvlastivrras, ášši 19/ 57 (27/4-57)

Sámi giella ja kultuvra joatkkaskuvllas

Čujuhit Sis-Finnmárkku skuvlaráđi čállosii, beaiváduvvon cuoŋománu 9. b. 1957, mas sierračálus áššis 5/57 lea mielde...
Hans Rønbeck attii dán cealkámuša: Skuvlastivra doalaha dan mearrádusa maid dagai čoahkkimis 1/11.49 áššis 72/49, ja ávžžuha ahte eai geatnegahte oahpahusa sámi gielas ja kultuvrras álbmot- ja joatkkaskuvllas. Skuvlastivra ii áiggo vuostálasttit eaktodáhtolaš suorggi mii addá eanet oahpahusa sámi gielas ja kultuvrras joatkkaskuvllas dehege suorgejuhkkojuvvon nuoraidskuvllas...
Suohkanbáhppa buvttii dán cealkámuša: Skuvlastivra čujuha mearrádussii mii dahkkui čoahkkimis 5/11.49, áššis 72/49, ja oaidná Kárášjoga álbmotskuvlla dálá oahpahusplána buorrin. Go álggahuvvo ođđa suorgejuhkkojuvvon nuoraidskuvla, de berre leat vejolaš sidjiide geat dan háliidit, válljet suorggi mas oažžu eambbo oahpahusa sámi gielas ja kultuvrras. Vel eambbo nannet oahpahusa sámi sisdoalu gal skuvlastivra oaidná dárbbašmeahttumin ja dáidá maiddái vahágahttin.
...
Dán maŋŋel gesii Hans Rønbeck iežas cealkámuša ruovttoluotta.
...
Suohkanbáhpa cealkámuš mearriduvvui 8:in jienain 2 jiena vuostá mat ledje addon Meløya cealkámuššii.

Eará artihkalat girjjis Sámi skuvlahistorjá 2