Sámi skuvlahistorjá-1 Válddahallan Min Áigi-aviissas 14.12.2005

Min Áigi: Elle Merete Utsi

Sámi skuvlahistorjá girjin - Oahpahusdepartementa ii ruhtadan

Sámi skuvlahistorjá lea vuohččan ilbman girjin. Oahpahusdepartementa ii ruhtadan dan ja dát imaštahttá girjji doaimmaheaddji.

- Bijan gažaldaga ahte iigo oahpahusdepartementa hálit muitalit sámi skuvlahistorjjá birra, lohká ođđá girjji doaimmaheaddji Svein Lund.

Dáruiduhttin lea guovddážis aitto almmuhuvvon girjjis Sami skuvlahistorjá 1. Dan vuosttaš norggabealde sami skuvlahistorjjá girjái leat sihke oahppit ja oahpaheaddjit muitalan iežaset vásáhusaid skuvllas. Ii Norgga oahpahusdepartementa iige gieldadepartementa juolludan ruđa girjái.

- Imaštalan dan ja bijan gažaldaga ahte eaigo departementtat hálit almmuhit historjjá, lohká Svein Lund

Maŋŋonan

- Gielda- ja guovlodepartementta ja Oahpahusdepartementta vástádus juolludeami šiitimii lei «bušeahttadilli». Okta girjji doaimmaheddjiin, Svein Lund, logai almmuhan dilálašvuodas, ahte dán ii sáhte dulkot earáládje go ahte stáhta ii hálit váldit konsekveanssaid iežas politihkas ja ii hálit ahte duohtavuohta galgá boahtit ovdan. Sami skuvlahistorjjá girjái galggaše plánaid mielde ilbmat vel golbma girjji.

- Ruhtavátnivuođa dihte eat diede goas dáid almmuhit. Mis leat badjel 50 olbmo muitalusa báhcán, lohká Lund. Dal áigot sii fas ohcat áigeguovdilis departementtain ruđaid.

- Saván ahte eat dárbbaš ođđa ráđđehusa departementtaid moaitit seamma garrasit, lohká Lund.

Dárbbašlaš girji

Girjjis lea divttaš más muhtun muitala iežas ferten mohkastit ahte lea čalbmelásiid vajálduhttán, go lea galgan lohkat, muhto ii leat oahppan dan.

- Juste seamma lean mun maid ferten muhtomin dahkat, lohká Sara Tornensis, gii lea okta muitaleddjiin girjjis. - Orru hui buorre go dál olbmot besset lohkat makkár vánis dilli mis lea leamaš, lohká Tornensis.

Sámi skuvlahistorjá - álgosiidu