Sámi skuvlahistorjá-1 Válddahallan Áššu-aviissas 20.12.2005
Áššu: Jørgen Gaup
Skuvlahistorjjálaš girji
Mannan distaga almmuhii Davvi Girji girjji sámi skuvlahistorjjá birra maid Svein Lund, Siri B. Johansen ja Elfrid Boine leat čállán.
Sámi skuvlahistorjá l lea sámi skuvla-historjáráiddu vuosttaš girji. Dát girjeráidu galgá muitalit skuvlaárgabeaivvi birra Sámis. Girjjis boahtá ovdan movt oahppit, oahpaheaddjit, internáhttabargit ja váhnemat leat vásihan skuvlaárgabeaivvi. Dás leat maid artihkkalat ja dokumeanttat mat čuvgejit norgga stáhta skuvlapolitihka váikkuhusaid ja makkár rahčamuš lea leamaš ovddidit skuvlla más lea sámi giella ja kultuvra vuođđun.
Olu boares govat
Dán vuosttaš girjjis leat artihkkalat dáruiduhttinpolitihka ja girku rolla birra, ja muittut Sami álbmotallaskuvllas, Sami Oahpahusráđis ja Árbortte, Skániid, Gáivuona, Návuona, Álttá, Muosáha, Guovdageainnu, Kárášjoga, Porsánggu ja Deanu vuođđoskuvllain.
Girjjis leat maid olu boares govat sami skuvlaeallimis, ja girji lea sihke sáme- ja dárogillii. Sámegiel čállosat leat davvi- ja lullisámegillii.
Sámi skuvlahistorjá - álgosiidu