Lasseartihkkal Sámi skuvlahistorjá 5-girjái. Davvi Girji 2011.
 Ann Ragnhild Broderstad | Ann Ragnhild Rasmussen (dál: Broderstad) f. 1964, lea Skániin eret. Dá muitaluvvo mo manai go son váccii joatkkaskuvlla Harštas ja gáibidii sámegiela fágan. Joatkkaskuvlla maŋŋá son logai medisiinna Romssa universitehtas ja dál son bargá Sámi dearvvašvuođadutkanguovddážis dutkin. Čálli Asbjørg Skåden, r. 1946 lea Skániin eret ja lea bargan máŋgga jagi oahpaheaddjin Skániin, erret eará sámegielas. Son jođiha girjelágádusa Skániid girjie. Dát artihkkal prentejuvvui Sámi Áigi-aviissas 19.12.1980. |  Asbjørg Skåden |
Ann-Ragnhild Rasmussen vázza vuosttas jagi Harstada joatkkaskuvllas. Go son skuvlajagi álggus geahčadišgođii válgafágafálaldagaid, de gávnnai son girjjalašvuoda, elektronikka, gymnastihka, ránskka, drama ja duoji. Sámegiella i gávdnon dáid searvvis. Su mielas orui dát hui artet go diehta ahte Harstada joatkkaskuvla lea sámeguovllus gosa sámenuorat bohtet skuvlla vázzit.
Son manai de studiedárkkasteaddji lusa gullat makkar vejolašvuodat leat oažžut sámegieloahpaheami dán skuvlajahkai. Doppe biehttaledje álfarot.
Ragnhild Engelskjønn, guhte lea su oahpaheaddji ávžžuhii su mannat njuolgga dálaš rektora Solema lusa. Rektor Solem čujuhii ahte Harstada joatkkaskuvllas váilot sihke ruđat ja oahpaheaddjit ovtta oahppai čađahit sámegieloahpaheami.
Ann-Ragnhild Rasmussen válddii de ieš oktavuođa Kárašjoga joatkkaskuvlla rektoriin, Jon Eldar Einejordain, guhte maiddai lea áirras Sámi Oahpahusráđis. Einejord árvalii oahpaheami brevaid bokte Kárašjoga joatkkaskuvllain masa Harstada joatkkaskuvla mieđai.
Muhto i Harstada joatkkaskuvla dohkkehan sámegiela nu gohčoduvvon praktihkalaš-estetihkalaš fágan. Oahppiin galget golmma skuvlajagis leat 80 diimmu praktihkalaš-estetihkalaš oahpaheapmi. Ann Ragnhildis gartet 78 diimmu ja báhca nie artiuma haga.
Dattege dáhtui Ann-Ragnhild sámegiela válgafágan ja sus lea dál brevaoahpaheapmi Kárašjoga joatkkaskuvllain. Boahtte jagi ferte son almmatge deavdit dán guovtti diimmu vai oažžu 80 d/v.
Mi dárbbašat eambbo seamma lágán nuoraid go Ann-Ragnhild Rasmussen. Mis leat juo olut ja lasi leat šaddamin dáppe Njárggas.
Muhto imaštat manin o.m.d. ránska ja elektronihkka leat praktihkalaš-estetihkalaš fágan ja sámegiella i.
Govvateaksta:
Ann-Ragnhild Rasmussen lea vuosttas oahppi Harstad joatkkaskuvllas geas lea sámegiella fagan.